شعر جدید شاهد (یا امام) تقدیم به امام عزیزمون و تمامی دوستان گلمون
با یادی از امام راحل آن بنیان گذار بی بدیل انقلاب اسلامی ایران.
یا امام
ظلمت ایراندا گون تک جلوه لندین یا امام!
غیرتینله ایرانی طاغوتدان آلدین یا امام!
گرچه ایران هرزمان منزلگه شیرانیدور
جرگه شیرانی سن میدانه گتدین یا امام!
فیض قدسیدون گوزل ایراندا سن!
سایه رحمانی ده ایرانه سالدین یا امام!
سن بت طاغوتی سیندیردون ید اسلامینن
معنی اسلامی ده تصویره چکدین یا امام
سن قیشون قلبینده خلق اتدون بهاری جاودان
گلشن اسلامی ده خوش جلوه لتدین یا امام!
قدسی انفاسیله اتدین ایرانی خلد برین
تا قیامت ملتین قلبینده قالدین یا امام!
اهل ایران سهلیدور؛ عالم فراقینده یانور
آتش عشقون تمام دنیایه سالدین یا امام!
دویمامیشدوخ بیز سنون دریای عشقوندن هله
گتدین اما حسرتین جانلاردا قویدین یا امام!
بس کی درس عشق و عرفان سویله دون عاشقلره
گتدین آخر مقصد عرفانه یتدین یا امام!
بیر قفس دور بولمیشم دنیا سنون تک بلبله
اوچدون اما دنیانی عقبایه ساتدین یا امام
آرزودور جان وئره راهینده هر آزاده خو
شاهدی وجده سالوب شور وصالین یا امام!
با درود بروح ملکوتی امام راحل و شهدای انقلاب اسلامی ایران.
